شاهدي احلى الحالات الواتس التي تعبر عن الفرح
والحزم و الرومانسية و الصور الرائعة و كذلك الكلام .
سوف نقدم لكم فهذا المقال عن احلى حالات الواتس اب.
غير العياط بدموع
زى العياط بالانعزال
فض المجال و البعد عن و هم الجدال
زى العياط بالفضفضه لنوع موسیقی اوغنا
زى التعب اوقات بعينها من السنة
زى الغياب
زى السكوت
زى الغضب
تلقي المزاج مع جميع يوم له لون و شكل
أو حد و قتة بيتقسم بين نوم و أكل
أشخاص تعيط بالسهر
بالشرب مثلا و الغياب
بیردوا روح و يسكوا باب
ويبطلوا اللوم و العتاب
أوقات عياطهم بالسباب
وساعات عياطهم بالأدب
فية ناس عیاطها فإنها بتقول: تمام
وفية ناس عياطها فـ انها تفتح کلام
وفية ناس كأسراب الحمام
تبكى و ما تسبش الأثر
وفية ناس تعيط بالرجوع للى اتكسر
فية عياط حرير
وعياط حجر
وعياط شظايا من اللهب
أعرف بشر بيعيطوا بالاندماج
فجأه يحبوا يظهروا و ما يقعدوش معنفسهم
واعرف بشر بيعيطوا جوة السياج
مايشوف دموعهم الا هما و ضلهم
واعرف بشر بيعيطوا في حجر ناس بتحبهم
إن شالله يبكوا قصاد قبورهم على العتب
إياك تظن الخد ناشف نبقي عال
إحنا بنمحى دمعنا
زى البيوت في الهجره ما بتمحى العزال
جربنا نبكى قصاد بشر مش طيبين
أهدرنا دمع و فضفضه ضاعوا هباء زى السنين
فـ بقينا بالخبره بنبكى بدون بكا
ودموعنا صبحوا بينزلوا متنشفين
أقدم عياط
هو الحياة و إنت بأتب
أبسط عياط
هو الرضا باللى اتكتب
يطلع كلام يطلع هدوء
يطلع زهق يطلع شغب
وأصعب عياط تبقى حزين
وتلاقى نفسك مبتسم
من غير سبب🖤
وخارج منها و انا عريان
وخارج منها شاكك
ومش شايل لحد امان
“محبتنيش”
برغم انى و كتاب الله مقصرتش
ويوم مقالتلى عايزة اعرف ما انكرتش
ويوم ما قالتلى زعلانة مبررتش
معاها كنت انا التانى و ابديها
بنقص من حياتى اشياء و بديها
ولما تمدلى ايديها ،أمد ايديا مسحبهاش
محبتنيش و حبيتها
ودايرة تقول “محبتهاش”🖤🍂
