الاصدقاء بينهم طرق كثيره للتعبير عن حبهم في الاصدقاء مثل الاخوه شعر في حب الصديق
قصيدة أخاف:
اخاف من إحساس قلبي إذا عاش
واخاف من نفسي وأخاف الخطيّه
وأنا الذي ما خنت عهدي ولا حاش
أغدر خويّي يوم فيني حميّه
يا صاحبي والنفس بالسوّ تعتاش
و خاف اغشّك و ارتكب لي رديّه
و خاف حكي الناس مع ظلم الاوباش
وانتي على ذمّة رجل بالهويّه
و خاف في لحظه يجي وقت و انحاش
و فارقك من دون ما لك و ليّه
العالم الله قلبك ابيض من الشاش
واحساسك اللي هيبته عاطفيّه
لكن زماني يدفع القهر بالكاش
و يسدّد الضربات حيث الأذيّه
وأنا لك الله خافقي غرفة انعاش
يعيش به أشياء هي شبه حيّه
والبعد لو هو كان يجرح لك الجاش
أهون من أحقاد الزمان الخفيّه
آعيش واضح خير ما كون غشّاش
وآموت انقى من صباح الضحيّه
رسالتي ودّيتها دون طرّاش
من خوف ردّك والدعاوي عليّه
أنا ادري انّي قاسي القلب منداش
لكن مشاعر خافقي واقعيّه
بكره قبر و حساب مع لفة قماش
وأنا اخاف الله فيكي و فيّه
روحي فمان الله قلبي ترى ماش
ما ظنّ فيني نبض للشاعريّه
شعر بدوي عن الرجوله اشعار وقصائد جميلة ومعبرة عن اسمي معاني الرجولة والشهامة.
شعر الصديق الوفي:
لله در الصديق الصادق الوافي
و لله در الخوي مقدر الخوه
الكفو يبقى معك مطنوخ وسنافي
واللاش فكل لحظه يختلف جوه.
أنت الخوي اللي ع الطيب ممشاك
وأنت الكفو اللي يعادل قبيله
وافي مع الكل بكل المطاليب
على النقا والطيب حبلك تمدھ
أنت الكفو اللي يعرف المواجيب
والمحزم اللي بالمواقف نعدھ.
دام الفخر بالناس نادر وجوده
انت الفخرالي ع الطيب ممشاك
وأنت الكفو لاحان وقت الطناخه
وانت الخوي الي افتخر بوجودك.
الكفو كفو وخوتگم ترفع الراس
ومثلكم فخر إني أناديه ي الخوي
وطبع المراجل فيكم ما تقرب العيب
لا هان من رباكم شيخ على ساس.
الذيب يرقى عاليات المراقيب
والطيب كلمه والفعايل ركايب
يبقى الوفى بين النشاما مكاسيب
وانت الخوي الي تسد النوايب.
شعر بدوي قصير غزل رومانسي للحبيبة.
شعر الصاحب اللي يرفع الراس:
الصاحب اللي يرفع الراس طاريه
نوفي له الميزان ونكرم جنابه
ونزيد في حقه وناخذ ونعطيــــــــه
ولانسمع النمام مهما حـــكى به
نبقى على طول الزمن في حراويـه
ونفز لامنا سمعنا جـــــــــوابه
يالله عسى الطيب على هقوتي فيـه
لاجا نهارا فيه قامت حــرابه
ويالله حي اللي ليا احتجت ندعيـه
أنا أشهد أنه فالمواقف يجابه
نفرح ليامنا مشينا نخاويــــــــــــــه
الجود طبعه والمراجل زهــــابه
وليا نخيته فز ماقال لك ليــــــــــــه
ياسعد منهو فالمواقف غــزابه
حي القبيله وحي منهو مربيــــــــه
الاصل واحد والذيابه تشــــــابه
والا الردي والله ماني بداعيـــــه
عندي تساوى في حضوره غيابه
شعر بدوي عن الصداقة
في حب الصديق
اشعار بدويه عن الاصدقاء
