روايه كثيره جدا لخالد وجوري وهي من افضل الروايات التي استمتعت بها في الفتره القادمه
ومن افضل الروايات روايه خالد وجوري وهي من اجمل واحلى الروايات التي استمتعت بها
البارت الأول
ksa
كانت متمددة على سريرها وفي حضنها دبدوبها الأبيض الكبير وسرحانة في خيالها قطع عليها افكارها
صوت رنين جوالها خذت جوالها تشوف مين المتصل لقت ” تؤم روحي ” يتصل بك
ابتسمت لا اراديا وردت : هلا وغلا بأحلى غلا
غلا بصوت متقطع : ج جو جووري
نطت جوري من السرير وبخوف:غلا حبيبتي وش فيكي ؟؟
غلا وهي تشهق وتبكي : جوري تكفين تعالي عندي محتاجتك
جوري وهي خايفة على تؤم روحها كل شي ولا غلا يصيبها شي : غلا قلبي
مسافة الطريق وأكون عندك بس أنت لا تبكين وأهدي
غلا : أوكي بس لا تتأخرين تكفين
جوري بقلق : اوكي ما راح اتأخر
سكرت جوري من غلا وهي مستغربة ليش تبكي هم دائما شعارهم بالحياة ” لا للدموع
ونعم للمستحيل ” قطعت جوري افكارها وراحت خذت عبايتها وشيلتها ونزلت من غرفتها ولقت امها
بالصالة قاعدة تشوف التلفزيون
جوري : هاي مامي
أم الجوري : اهلين , شو ع وين رايحة ؟؟ >>>>> أم الجوري سورية
جوري : بروح عند غلا
أم الجوري : هلأ ؟؟
جوري بعجلة : ايه ماما الحين ضروري يلا باي
أم الجوري : باي وديري بالك ع حالك
طلعت جوري من الفيلا مستعجلة دخلت السيارة وقالت للسايق يروح بيت غلا ….
**********
نروح لأفخم القصور الموجودة بالسعوديه ” عائلة ال….” من أفخم وأكبر العوائل المعروفة بشركاتهم الضخمة
وأسهمهم وتجارتهم ما في شخص ما سمع عن هالعائلة………
بداخل هذا القصر وبأحد الأجنحة كان جالس بغرفته الكبيرة الواسعة وبيده فنجان النسكافيه ويتابع فيلم
من أفلام “جاكي شان ” قطع عليه متابعته رنين جواله رد : هذا وقتك تدق
!!
ريان بدون سلام : خالد تعال النادي ابيك
خالد وهو مستغرب من ولد عمه : ريان ايش فيك ؟؟
ريان وهو يتنهد : قلت لك تعال بعدين اقولك كل شي
خالد : اوكي ربع ساعة بالكثير وأكون عندك
ريان : انتظرك .
سكر منه واخذ رشفه من فنجانه وقام لبس بنطلون جنز اسود وتيشرت اسود ضيق يبرز
عضلاته وتقاسيم جسمه الرياضي أخذ جواله والبوك ومفاتيح السيارة وخرج من جناحه قابل أخته ندى
وهي طالعة ع جناحها بس وقفت لما شافت خالد نازل لكن طنشها وكمل نزوله
ندى : خالد وين رايح ؟؟
خالد : مالك شغل
وطلع ركب سيارته الجيمس وانطلق فيها بأقسى سرعة …
**********
قامت بالدخول الى جناحها بعصبية وخبطت الباب وراها بكل قوتها فكت شعرها وانسدحت على سريرها
: أوووووف وبعدين مع الملل ؟
أختها نوف بشهر العسل مع حبيبها وأختها شهد بزر ما تجاوز عمرها الأربع سنين وأخوها
خالد دائما مب فاضي لها وهذي السنة ما في سفر بسبب كثرة الشغل ….
طاحت عينها ع لاب توب صار لها مدة ما فتحت ايميلها تربعت ع سريرها ولمت
شعرها بشكل عشوائي وفتحت اللاب توب وسجلت دخول ع ايميلها بس خاب كل املها لما
لقت كل اللي عندها أوف لا ين !!
ندى بطفش : يالله وش هالحظ ؟
وجاء ع بالها تدخل شات كثير سمعت عنه بس ولا عمرها دخلته والحين قررت تدخله
عشان تتخلص من الملل اللي فيها ودخلت عالم الشات باسم ” قطرة ندى ”
ارتسمت ابتسامة ع شفايفها بعد ما شافت الترحيب من الناس الموجودة بالشات ( هلا قطرة
ندى.. نورتي الشات .. مرحبا قطرة … هاي …الخ )
طقطقت بسعادة ع ازرار اللاب توب وصارت ترد ع الموجودين بالشات ..
**********
صوت جوالها ازعجها وقطع عليها أحلى نومة وبصوت نايم ردت : هلا
وجدان بصريخ : كلللللووووويش أخيرا رديتي !!
كشرت شوق : وجع أن شاء الله ترى أذني أبيها
وجدان : ليش حضرتك ساعتين عشان تردي ؟؟
شوق : والله كنت نايمة وحضرتك قلقتنى وصحيتيني من احلى نومة
وجدان : انتي ما تشبعين نوم ؟
شوق بإبتسامة : لأ
وجدان : المهم شوشو ابيكي تجين عندي بوكرا !!
شوق : أولا اسمي شوق مو شوشو خربتي اسمي !! ثانيا ليش تبيني اجي وش
عندك ؟؟
وجدان : بنات عمي بيجون ابي اعرفك عليهن
شوق بتفكير : ممممم اوكي بس عادي اجيب ندى بنت عمي ؟؟
وجدان بسعادة : والله يا ليت عشان تكمل وتصير جمعة بنات !
شوق : خلاص اجل بوكرا نكون عندك ان شاء الله
وجدان : انتظركم
شوق : بأمان الله
وجدان : بحفظ الرحمن
