ديوان من ابيات شعريه لشخص لا نجهله كثيراً ونعلم عنه المزيد
علم لفانا كم لنا في محاريه***يامرحبا به عد نوح الحماما
يامرحبا به عد ليلن سرو فيه***وعداد مافي الكون رد السلاما
القلب توه ينتحي عن طواريه****والعين توها عن سهرها تناما
انشهد ان الفعل هذي مواريه****فعل الرشيد مثورين العساما
يشهد لهم ماسار ما مخَفيه***علمن ظهر مابين شرقً وشاما
كدو على ابن معاط بول عصاريه***من خوف هرج يقتفيه الملاما
قام اخو فريجه بالتماتيك يصليه***لما اختلط عج الدخن والكتاما
الشيخ طاح وطاح منهو مراكيه***والثالث اللي طاح معهم قواما
كلهم سداد فريج واللي مربيه***الشايب اللي مادخيله يظاما
من كف قرم جعل الايام تبقيه***ليثاً على الطولات يمشي هماما
شبل على العدوان يبعد مداليه***من ساس ربعا يحتمون الجهاما
عاداتهم يامعاط رد المشاريه***حمر السيوف ميتمين الغلاما
الللابه اللي غالي العمر تهديه***ماتاجرو به يوم قل الكلاما
صويبهم لاطاح محداً يداويه***كم شيخ قوماً وردوه العداما
وحريبهم ماغير يصفق بياديه***خلوه يجلس قي حقير المقاما
زعل عتيق الضيوفي
أفضل ديوان تختاروا