فين محلات المكياج في جده كثيره جدا وجميله جدا احب جده واحب الاستمتاع في المكياج
الذي يكون موجود هناك لان مكياجهم كثير جدا وجميل قوي ومنتجات عالميه
حبايبي ابي اعرف افضل المحلات فمركز الكورنيش من ناحية الماكياج والعطور وكيف اسعارها بالتفصيل يعني
أش ينفع لدبش العروسه! واللي عندها فكره لاتبخل علي عن افضل ماركات الماكياج وافضل اسماء
العطور بأسعارها اتمنى تفيدوني وياليت اللي تعرف توصف طريقه وفي أي شارع هو توصفه لي
تمام.
انا رحتله كم مره كل الماركات الي في وجوه تحصليها عنده زي عندك ارواج شانيل
مثلا 20 ريال وبعض المحلات 18 ريال فرق بس عن وجوه يعني الي بتاخذ روج
واحد ماحتفرق معاها لكن الي بتدبش حتفرق
والعطور فرق 180 ريال عن المحلات الي بره وطبعا اطقم فرش المكياج عندهم مميزة جدا
عندك مثلا طقم فرش ميك اب استيديو مره روعه وتعيش وعندك تحصلي مقشرات الجسم والمناكير
وكل شي حتى اطقم الاضافر مااعتقد في عروسه ماتحتاجها ولمن تاخذي عطر خذي اللوشن حقه
مره وحده روعه جدا ايش كمان ايوه الحلات المشهوره هناك عندك السويدي انا رحتله ايام
دبشي بس ذحين سار زحمه
مره وكل ماتطلبي من عنده شي يقولك مخلص خاصة ماركة فور ايفر بس خذي من
عنده العطور من جد ثابته واخر مره رحت رحت محل جنبه اسمه ارجوان مره حلو
واشتريت من عنده من ماركة شانيل وريفلون وميك اب ستيديو وكارولاين تبغي نصيحتي خذي الارواج
كم روج ماركه غاليه من شانيل وايف سان لوران وجيفنشي وخذيلك علبه وحده من شانيل
الضل الي يجيكي خمسه الوان في علبه وحده خذي الالوان
الترابيه هيا المستخدمه يعني ماراح تخسرى والاساس والبودره والكونسيلر كمان خذيها ماركه معروفه لكن الاضائات
والوان الضلال والحواجب والمحددات للشفايف خذيها من ماركات اسعارها معقوله مثل ريفلون وريميل وماكس فاكتر
انتي روحي وحتشوفي حتلاقي الرخيص والغالي انشالله افدتك
