لا تبتعد عن اشعار من تأليف الفنان البارع عمار الذى اعطى الكثير من علمه
ضلت بس صورهم ** مانعرف خبرهم
راحو من إيدينه ** شـگد بچينه ** ومايرجعون
والعشنه بهواهم ** أذونه بجفهم ** ومايرجعون
بالعيون * بس المدامع والحلم سراب
بالعيون * ندفنهم اتمنينه يـالتراب
بالعيون * يالناعي انعه وأعلگ شمعه المصاب
بالعيون * ذكرى ومصيبه وزفه للشباب
نگعد يم گبرهم * نتنفس عطرهم
أحباب النودهم * شوفه منهم * تسوه العيون
والعشنه بهواهم ** أذونه بجفهم ** ومايرجعون
_____________________________________
وراهم * مرفوعه إدينه بهيئة القنوت
وراهم * مانلگه بسمه والورد يموت
وراهم * ذا النون صرنه والمنايه حوت
وراهم * بس بالمقابر تسمع إلنه صوت
ذوله أهل الحميه * بحب المرجعيه
ضحوا يالمناحر * حته باچر * مايخسرون
والعشنه بهواهم ** أذونه بجفهم ** ومايرجعون
_____________________________________
عليهم * ثوب الشهاده امطرز بدماء
عليهم * يايمه نوحي وجددي العزاء
عليهم * تبجي النجف وتواسي كربلاء
عليهم * ضلت تحن كل نجمه بالسماء
ذوله أهل المراجل * بشموع وهلاهل
يم حيدر نزفهم * وبـنـجفهم * خل يأمنون
والعشنه بهواهم ** أذونه بجفهم ** ومايرجعون
_____________________________________
ييمه * بس الجنايز للنجف تروح
ييمه * ضل الصديق ويالعدو ينوح
ييمه * ألطيب منهم والمسك يفوح
ييمه * اجروح النحبهم أصعب الجروح
مذهبهم دعاهم * وضحوله بدماهم
والبيهم عزيمه * عل هضيمه * ماينامون
والعشنه بهواهم ** أذونه بجفهم ** ومايرجعون
_____________________________________
هلأيام * انودع گمر ثاني گمر يغيب
هلأيام * ينزف جرحنه ومايـجي الطبيب
هلأيام * عابس نشوفه ايقاتل وحبيب
هلأيام * يالمهدي نشعر بالفرج قريب
يالما شفنه نورك * عجل في ظهورك
ذبحونه النواصب * وانته غايب * عن العيون
والعشنه بهواهم ** أذونه بجفهم ** ومايرجعون
_____________________________________
يالأحباب * ضلت صوركم بالدهر تنور
يالأحباب * طرزنه أسماميكم على الصدور
يالأحباب * يوم الأستشهدتو الوطن فخور
يالأحباب * وإحنه وراكم نبذل النحور
يالخطكم جهادي * ضل دمكم ينادي
حي الله النشامه * ويا كرامه * الي تحملون
والعشنه بهواهم ** أذونه بجفهم ** ومايرجعون
لطمية ضلت بس صورهم
قصيدة عمار الكنانى
