كروشيه وتريكو اطفال , بتحبى الشغل اليدوى

ملابس الاطفال التى تكون من الكروشيه و التريكو تعتبر من اجمل و اشيك

الملابس التى من الممكن ان يرتديها الاطفال فى السن الصغير

أحياناً نحب العمل اليدوى ويعتبر من مشروعات ىالأسره المنتجه

ونوضح فيه السعر المناسب فى أكثر الأوقات

تعالوا بقا نجاوب على السؤال

* ببساطة شديدة سعر القطعه ) = ثمن الخيط الكلى (ثابت) + ثمن المجهود (متغير)

طيب تعالوا نفسر المعادلة دى

** لو كان الشغل تريكو **

(أولا)

ثمن الخيط الكلى (ثابت)

يعنى نفترض انك بتشتغلى جاكيت تريكو وهتستهلكى 6 شلات (100 جرام ) خيط , سعر
الشله 15 جنيه

إذن سعر الخيط الكلى = 90 جنيه

طيب ايه معنى كلمة ثابت اللى بين قوسين دى

المقصود هنا إن إنتى ملكيش دعوه بسعر الخيط سواء كان غالى أو رخيص ده مالهوش
علاقه بتقييم مجهودك لأن ببساطة إنتى بتعملى نفس المجهود سواء كان الخيط رخيص او غالى
علشان كده فصلت سعر الخيط عن ثمن المجهود

أنا بقول كده لأن فيه البعض بيحسب سعر مجهوده مساوى لسعر الخيط طيب يامؤمن نفترض
ان الخيط ب 30 جنيه (رخيص جدا) ليه اظلم مجهودى وأقيمه هو كمان ب 30جنيه

….

(ثانيا)

ثمن المجهود (متغير)

وهنا هنقسمه لثلاث مستويات على حسب صعوبة الشغل

فإذا كان الشغل سهل ( يعنى غرز عادية بليسيه , جيرسيه , طوق وهكذا )
فهيكون ثمن المجهود للشله الواحدة (100 جرام) = 35 جنيه

وإذا كان الشغل متوسط ( الشغل يحتوى على ضفيرة أو شغل لاسيه ) فهيكون ثمن
المجهود للشله الواحدة (100 جرام) = 45 جنيه

وإذا كان الشغل صعب ( الشغل كله عبارة عن ضفائر مركبة أو أى باترون صعب
) فهيكون ثمن المجهود للشله الواحدة (100 جرام) = 55 جنيه

ومعنى كلمة متغير انه بيختلف على حسب صعوبة الشغل وأيضا على حسب تقييمك إنتى لمجهودك
يعنى فيه ناس هتشوف إن الارقام اللى انا كاتباها مبالغ فيها وناس تانيه هتشوف انها
رخيصه وده بقا يرجع ليكى إنتى وكل واحد أدرى بالمجهود اللى بيعمله

………….

طيب تعالو بقا نحسب السعر الكلى للجاكيت اللى هنستهلك فيه 6 شلات = ثمن الخيط
الكلى ( 6×15 = 90 جنيه ) + ثمن المجهود ( هنفترض الشغل سهل إذن
6 × 35 = 210 )

إذن السعر النهائى للجاكيت التريكو = 90 + 210 = 300 جنيه مصرى لاغير

………..

** طيب لو الشغل كروشيه **

هتبقا نفس الحسبه بالظبط بس هندرج ثمن المجهود كالتالى 25 او 30 او 35 جنيه

يعنى على سبيل المثال شال كروشيه هيستهلك 300 جرام خيط وسعر 100 جرام ب 12
جنيه مثلا والشغل سهل

إذن سعر الشال الكلى = ( 3 × 12 ) + (3 × 25 )
= 36 + 75 = 110 جنيه مصرى تقريبا

………..

أتمنى أكون قدرت أوصل الفكرة

وده رأى الخاص والموضوع طبعا مفتوح للنقاش للى عنده رأى مختلف

كروشيه وتريكو اطفال

بتحبى الشغل اليدوى

كروشيه وتريكو طفل