من اجمل قصائد ديوان عبد الله بن كريو
قمر الليل خواطري تتونس بيه*** تلقى فيه أوصاف يرضاهم بالي
ياطالب عندي حبيبه ليه شبيه *** من مرغوبي فيه صهري يحلالي
نبات نقسم في الليالي ننظر فيه *** يفرقني منه الحذار التالي
خايف لا بعض السحابات تغطيه *** وإذا غاب ضياه يتقيثر حالي
ياسايل عن خاطري واش مسهيه *** مع الريم اللي جلى قلبي جالي
ياتهواسي خاطري واش يداويه *** وين الطب اللي يناسب لعلالي
ضر معاشر كبدتي وانا خافيه *** صابر للحمى الشديدة ما ذالي
هذا المرسم كانت الخداعة فيه *** مسبوغة لنجال خلاتو خالي
يا مهبلني جيت للرسم نشاكيه *** ما جاوبني ما صنت لسوالي
مرسم ولفي كي خلا علاه نجيه *** نتفكر ما فات يثقب مشعالي
واجبلي دمعي على المرسم نبكيه *** هشمتني الأثار كي جات قبالي
غيم المحنة ع العقل دايم كاسيه *** بسحابو سدا على روس جبالي
يا مرسولي سير بجوابي وأديه *** يتمكن بيد الظريفة وأعنى لي
هات خبار الخير لي كون نبيه *** و الماره اللي بينا وريهالي
قمر الليل خواطري تتونس بيه,
ديوان متميز جدا
القمر الليل الخواطري تتونس بيه,
