يا من تحبون الشعر والشعراء يامعشر الرومانسيون اليكم اليوم ما تحبون
فراق ؟ بسم الله الرحمن من ذكره
تكفى دخيلك لا عاد تجيب ذا الطاري
فوقتني يوم قلته من حلا السكره
ضيعتها سكرتي ياسكرة أنظاري
يا أمس عمري ويا يومي ويا بكره
فراقك اصعب علي من يوم مقباري
اشتاق لك وانت قدامي على فكره
يعني تصّور بغيباتك وش أخباري ..!!
ملامح السعد قبل أعرفك منكّره
واستوضحت يوم شفتك يابعد داري
أبواب قلبي على من جاه منسكره
وأعذاري انك هنا .. يامسمن اعذاري
ياعين حرٍ نداوي معتلي وكره
ياجملةٍ ما تعب تكرارها القاري
يزين فيك البحر والقاف والفكره
لولاك ماشفت حيٍ يطرق أشعاري
جاورت روحي .. وقلبي صرت محتكره
والقلب قلبك وخذ راحتك ياجاري
سلمتك رشا الهوى والدلو والبكره
وانا لك البير وأغرف كامل اسراري
وان كانك تسوق لي من الغلا بكره ؟
قد سقت لك من صميم الخافق أبكاري
سويت فيني جميل أعجز على شكره
علمتني ان الليالي متعة الساري
وعلمتني كيف أحب وكيف ما أكره
وان التفائل يلبس حظي العاري
إلا بقا شي ياغالي : على فكره !
قصايد سعيد بن مانع
أفضل ما تشاهد من قصائد
قصيده سعيد بن مانع
