اثار فضولي لبس السعوديات ومعظمهن يرتدين نفس اللباس :
السلام عليكم و رحمة الله و بركاته …
صبحكم الله بالخير و الأنوار و طاعة الرحمان … اخباركم بنوتات و سيدات أحلى عالم
؟؟؟ إن شاء الله مرتاحين ..الله
يسلمكم صحيت اليوم من وقت من كثر ما على راسي أشغال أبا أخلصها و خاصة
الكوي اللي يهد الحيل .. ما علينا .. ادعولي بس الله يقويني …
عااد من كم يوم و أنا أفرفر فهالقسم .. اشتغل الفضول عندي .. و خااصة
إني اعشق أعرف كل شي عن الشعوب … يعني فضولي استكشافي ….
لاحظت ما شاء الله عليكم خواتي السعوديات إنكم ذويقاات و بدون مجاملة و مسايرين للموضة
و الستايلات الجديدة و تداخلت ويااكم أكثر و خذت فكرة عن طريقة اوعيكم فالجمعاات و
الأعراس و الجامعات صحيح مب بصورة أقدر
أعممها على الكل بس خذت صورة تخص الأغلبية …
يعني ما كنت أتوقع مثلا لبس القصير و أرد أقول مب الكل أنا عارفة ..
لبس البرمودات و الاسكينيات و التنانير القصيرة
بشكل اعتيادي … كل حر في نفسه ….
لكن مب هذا اللي شاغلني بس حبيت أوضح المنطلق لفضولي …
اللي شاغلني هو شو تلبسون في بيوتكم ؟؟؟ يعني شو نوعية الملابس اللي تمثل ماركة
عندكم للبس البيت بمعنى الكل يلبسه كل يوم بغض النظر عن دلع البيجامات و التشيرتات
الطويلة ؟؟
يعني في نوعية موديلات أو قصات أو جلابيات تعتبر لبس بيتي مشترك بينكم ؟؟؟
لأني ألاحظ لبسكم كله بيجامات أو جينزات و بديات و قمصان طويلة !!!
ما عليش تحملوني .. بس حبيت أعرف عشان خاطر فضولي ما ينكسر إذا ما أشبعتوه
هههههههههههه
(( عاد سالفتك سالفة )) لأني أحس إني عايشة وياكم و في مناسباتكم و حياتكم
بشكل عاام حتى كلامي أوقات
يبقلب سعودي من كثر ما إني معسكرة عندكم فالمنتدى هههههههههه …
عاد إذا بغيتوا تعرفون لبسنا نحن الاماراتيات البيتي تلقونا كلنا مااركة وحدة باختلاف الموديلات و
الخام .. يعني
اللبس البيتي المريح ننتشارك فيه مثل :: المخاوير .. جلابيات اسمها الروب وايد خفيفة ..
الجلابيات الصينية .. جلابيات الدانتيل .. جلابيات الويل باختلاف القصات .. و أفكار كثيرة للجلابيات
الخفيفة الشيفون و لكريب …. إلخ
يعني إذا بغيتوا تعرفون عن أي نوعية ما عندي مانع أوضحها بالصور …
هذا غير لبسات الطلعات و المناسبات ترا الكل متشارك فيها نحن و إنتوا …
يلا بنات خبروني عن صفة لبسكم البيتي و يا ليت اللي تقدر توضح بالصور ..
و أتمنى تفاعل الكل …
ما أدري إذا وضحت الصورة عندكم و قدرت أوصللكم اللي أقصده … من محبتكم أبا
أعرف جميع شي عنكم …
فضولي ذابحني بخصوص لبسكم يا خواتي السعوديات لا تفهموني غلط
فضولي ذبحوني بخصوص لبسكم يا خواتي السعوديات لا تفهموني غلط
