توجد العديد من الاسباب التي تجعل الزوجة تطفش من زوجها ومن اهم تلك الاسباب ما
يلي :
السلام عليكم بنااااات
كيفكم
قررت اكتب معاناتي بعد ما قريت معاناه اكثر من عضوه تشبه معاناتي ,, وانبسطت لتفاعلكم
مع البنات
ياحلوات .. انا صار لي سنه و سبعه شهور متزوجه وللان ماعندي اطفال الله يرزقني
انا الزوجه الاولى والوحيده في حياه زوجي وبيني وبين زوجي 15 سنه فرق العمر !!
تشاهد كان من شروطي فرق العمر لاني كنت ابي رجل ناضج عاقل كبير يحتوي المشاكل
لكني انصدمت بان زوجي كانه طفل عمره 12 سنه
شي فضييييييع ما تتخيلونه هو اللي يخلق مشكله من لا مشكله
وفوق هذا اذا زعل مني يرمي الاشياء الهدايا اللي مني ,, ولا يبي مني اي
شي سواء غداء او كوي او شاهي !!!
لكن الحمد لله قدرت اسيطر على هالموضوع وبدأ يخف عن هالحركات لكن مازال اختلاق المشاكل
موجود
لكن انا طفشااااااااااااانه منه
من تزوجنا ما طلعنا ولا مطعم ولا كوفي ولا سوق ,, بس مره وحده طلعني
الثمامه !!
جايب لي سواق بس عشان يوديني للجامعه ولبيت اهلي مره بالاسبوع وبيت اهله مره بالاسبوع,,
والسوق للضروره القصوى !! وغر كذا بالذل اطلع
اللي مطفشني ان زوجي 24 ساعه بالبيت حتى ما يداوم لانه هو المالك للشركه ,,
وسآآآآآآآآآآآآآآكت .. على النت !! غالبا اطل واشوف وش يسوي القاه فاتح مواضيع عن الزراعه
والنباتات والا التويتر ,, والتلفزيون على قناه العربيه
وياويلي اغيرها طفشت من البررررود ,, حياتنا زي الاخوان ,, ممنوع ابوسه ,, ممنوع البس
قصير او قمصان غير وقت النوم يعني لبسي زي لبسي ببيت اهلي بيجامات طويله ,,
مانطلع مع بعض ,, ما نسولف سوا ..
اذا قلت نكته او شي احتقرني والا يضحك مجامله اذا كان يبي شي بالليل ..
رغم انه اذا جاه تليفون من اصدقائه يقعد ينكت و يسولف وهو خفيف الدم وانا
ماعمري سمعت شي !!
وغير كذا هو مقتدر ماديا مرررررره وفاااااااضي !! لكن ماعمري سافرت واللي يقهر انه هو
يقولي ما ودك نسافر ؟؟ ويخليني اتحمس و احجز واخطط و اتخيل وقبل السفره باسبوع
يقولي الغي الحجوزات عندي شغل ,, ولما الغي
جميع الاشياء واقعد اراقبه في الفتره اللي المفروض نكون فيها مسافرين مايطلع من البيت الا مشاوير
عاديه مثل الحلاق والا بيت اهله والا عشائ عند اهلي يعني الصباح مايكون فيه شغل
ويكون نايم !!!
لاحظته يستعمل اسلوب السفر هذا اذا كان يبي يشغلني وانا مبسوطه لانه يدري اني انبسط
اذا بخطط لسفره !!
انا طفشت مرررررره ما ابي اتطلق ولا ابي ارجع لبيت اهلي لاني امشي على قاعده
(( نار زوجي ولا جنه اهلي )
لحد يقولي مغصوب على الزواج او ما يبيني !! امه من النوع اللي ما تغصب
عيالها على الزواج
واللي خطبني هو بنفسه وهو اللي اختارني موب الحريم !!
لكن وشلون اتعامل مع هالشخصيه ؟!!!
انا طفشت ,, انا ما ابي حياتي تصير كذا بعد ما كنت شعله نشاط وحيويه
!!
حتى بنات الجامعه ملاحظين اني تغيرت للاسوأ !!
تكفون ردوا علي علموني ايش اسوي ! انا مالي غيركم بعد الله
الله يسسسسسخره لك
يارب
ويفرج هممممك ويهديه ويصلح شاااانه
عليك بسسسسهام الليل فإنها لاتخطي
والاستتتتغففففففااااااار
الله يهديه ويفتح ع قلبه
تفاهمي معاه وحاولي تسحبين منه الحكي لين يقووول وش اللي بقلبببببببببه
الله يوووفقكم
طفشت من زوجي
اسباب الفرار من الزوج
طفشت من ازواجي
