جهاز العروسة من اهم الاشياء التى يجب الاهتمام بها و التركيز فيها و فى تفاصيلها
الخاصة
و لكن جهاز العروسة يختلف من بلد الى بلد او محافظة الى محافظة و يرجع
هذا الى العادات و التقاليد
الجهاز هذا لحاله قصته قصه
مايبقى مكان مايطيرون له ولا يبقى شي بالسوق مايخمونه
وكل هالتعب ماخلصوا باقيلهم تغليف مدري ديكور لكل هالعفش
وبيكلفهم الشيء الفلاني مايحتاج اقول لكم
احس هالناس يشترون لبنتهم اللي تحتاجه واللي ماتحتاجه بس علشان
الناس يقولون جابت مو علشان العروس تحتاجه ولا يهمها بحياتها المستقبليه
حتى اغراض الحمام تكرمون جايبتها ومطقمه ومسويه زحمه وديكورات
لاتقولون لي هي تبغى…ترى كثير منا تزوج بدون هالبهرجه
والله صار اللي عنده بنت يقول الله يعيني بدل مايرتاح ويقول الرجال بيقوم فيها من
الى
طيب الرجال وش يسوي ووش عليه بس المهر؟؟؟
طيب اللي تقضيه العروس غالبا ازود من المهر !!!!
يالله ياحياتنا وعاداتنا!!!
تصدقون تزوجت وانا من ارقى العايلات ولا بمدح نفسي وضعنا ممتاز
واخذت زوج بمركز قوي بس ماسويت ولاااااشي من هالكلام اخترت اكون بسيطه
امي مسكينه بغت تروح فيها بسبب عنادي واصراري اني اسافر وبس
جهازي انا رحت قبل الزواج باسبوع تخيلوا!!!
شريت ملابس نوم +بيت+ميك اب+على كم بنطلون
وعلى قد مهري ولاشرطت شي
قلت لزوجي فلوسك خلها لسفرتنا رحنا وتمتعنا وانبسطنا ولله الحمد
الناس وانعزموا بعشا كبير من غير بهرجه وطقطقه
اللي شريته حطيته ب 5 الى 4 شنط ووديته شقتي
رتبت ملابسي بدولابي وهو بالدوام:)وبسسسس
