المطابخ الان لها اشكال متعددة وانواع كثيره جدا منها الخشمنيوم والالمونتال
والخشب وغيرها من الأنواع لكن اسعارها تختلف من
نوع لآخر ومن صنايعى لآخر فإليكم تجربتى بشراء المطبخ وتصميمه ونوعه
أنا قاعده أشطب شقتي الجديده وعقبال العايزين ان شاءالله وعقبالي بالفله ان شاءالله
وأنا عارفه حوسة اختيار المطبخ لأني لفيت تقريبا كل محلات المطابخ عشان ألاقي الشكل
والتصميم اللي في بالي وكمان نوع الالمنيوم اللي في بالي وبسعر معقول …
وأخيرا يابنات والله لقيت محل اسمو ميلانو بصراحه أنا وزوجي لمن دخلناه بس كنا نبغ
نتفرج
وناخذ أفكار لأنو باين من المحل انو اسعارو غاليه وكل ماٍسألناه عن شي يقلنا احنا
مانستعمبل
غير افضل شي واحنا ماعندنا غير الايطالي والاوربي ومعرف ايش..
المهم أحنا قبلو رحنا عند محل اسمو المجمع السعودي لمطابخ الالمنيوم وجانا المنزل
ومترلنا المطبخ وجهزلنا التصميم وكل شي وطلع حسابنا 12500 واحنا قلنا انو محل عادي
ومايستاهل ذا السعر وخاصة انو ماعندو المنيوم اكريليك الاهو اللماع اللي زي المرايه ..
ونرجع لميلانو المهم دخلنا نتفرج ومررره عجبنا هو تقريبا أحلى من مطابخ ايكيا وعندو خشب
والمنيوم وزوجي قال خليه يجي يمتر احنا ايش خسرانين اذا ادانا
سعر اكثر من الاول بالف او الفين بنسوي عندو لانو شغلو خيالي وعندو الاكريليك اللميع
ووافقت
على فكرة زوجي مع اني كنت متوقعه يعطينا سعر قريب ال20000 …
المهم وجانا الرجال واخذ المقاسات وراح والله يابنات من يوم راح وانا نفسي مصدوده منو
مابغ
ارجع وأعرف سعرو لأني متأكده اني راح انقهر لأني ماراح اقدر اسوي عندو والله
حتى زوجي معد اتصل عليه وبعد اسبوع والرجال يدق وزوجي يطنش >>>>خايف ههههه
والرجال يدق يدق اللين زوجي رد وقلو طيب نجيك الاسبوع الجاي وانا قلتلو
طالما خليناه يجي يقيس لازم نروح عندو ونشوف السعر ونخرج عشان هو يسيبنا خلاص..
ولمن رحنالو تخيلو قلنا السعر كم ……
قال >>>> 10500 ريال
انا وزوجي صرنا نطالع في بعض وفاغرين>>>هههههههههه
من الفرحه زوجي بدل مايقلو نقصلنا في السعر قلو سعرك مررره حلو ومناسب>>>>ورطنا
ومع الزيادات طبعا انا زودت دولاب طويل مع رفوف ترولي
حق المعلبات وزودت كمات دولابين طوال وصل السعر بالظبط 12000 …
بصراحه يابنات المحل ابداااااااااع هو عنوانو في شارع صاري بين دوار
الفلك ودوار الهندسه في النص في نفس الصف اللي فيه الضبا مول …
خبر حصري لبنات جده للي تبغ تسوي مطبخ يجنن يوجد صور
اماكن عمل المطابخ بجده بالصور
اخبار حصريه لبنت جده للي تبغ تسوي مطبخ يجنن يوجد صور
