حلى زنقا زنقا وردة وردة , طريقة عمل حلى وردات الجوري

معنا طبق حلى جديد على سفرتنا اليوم ، هذا الطبق من

تجربتى فى المطبخ حيث انقل لكم تجربتى اتمنى تنال اعجابكم

هالحلى من اختراعي
سميته زنقا زنقا بسبب قوالب الورد
كثير سألوني وشلون نستعملها بدون قاعدة تمسكها

وعطيتهم كذا فكرة بس ماش مادخلت راسهم
حسيت انهم يبون القوالب

بس زانقتهم طريقة التقديم
عشان كذا قلت لازم أعمل لهم الطريقة وأبتكر لهم حلى

وسميته زنقا زنقا وردة وردة

أول شيء راح أبدأ معكم بمكونات الحلى:

كاس ماء مذاب فيه 3ملاعق حليب بودرة
ملعقة نشا

1قشطة
تخلط على النار حتى تغلي ثم توضع في الخلاط
مع المقادير التالية :

كاس وربع سكر بودرة
كاس زبدة الفول السوداني(اللي مايجب الفول السوداني

ممكن تستبدلونه بزبدة كاكاو أو أي نوع تحبونه)
12حبة جبن كيري

وتخلط لحد ماتصير زي الكراميل
وبعدها تصب في زبدية ونكون مجهزين ماء حار في ربع كاس ماء مضاف له ملعقتين
جيلاتين

أهم شيء في هالموضوع الجيلاتين لانه هو اللي راح يخلي الخليط يتماسك زين

نحرك الجيلاتين بالملعقة لح مايذوب في الماء زين
وبعدها نصبه على الخلطة ونضربهم بالمضرب دقيقة

وبعدها نحطها الفريزر

لمدة 3 أو 4ساعات

راح تكون متماسكة زي الدانيت

الحين فكرة القاعدة اللي أزنقت العالم

ناخذ فلين مربع مخصص للورد تلاقونه في محل الهدايا او الورود

قله قطعة دائرية على حسب الفازه اللي عندكم
ونثبتها داخلها زين

بعد كذا نثبت قوالب الورد بكل سهولة

ونحط الحلى في قمع ونبدأ نملئ القوالب لثلاث أرباعها
وفي الاخر نزينها بالتوفي وشرائح اللوز

حلى زنقا زنقا وردة وردة

 طريقة عمل حلى وردات الجوري

حلويات زنقا زنقا وردة وردة