شاهدى اجمل الحالات الواتس التى تعبر عن الفرح
والحزم والرومانسيه والصور الجميله وايضا الكلام .
سوف نقدم لكم فى هذا الموضوع عن اجمل حالات الواتس اب.
غير العياط بدموع
زي العياط بالانعزال
فض المجال والبُعد عن وهم الجدال
زي العياط بالفضفضة لنوع موسیقی أوغُنا
زي التعب أوقات بعينها من السنة
زي الغياب
زي السكوت
زي الغضب
تلقى المزاج مع كل يوم له لون وشكل
أو حد وقته بيتقسم بين نوم وأكل
أشخاص تعيط بالسهر
بالشرب مثلا والغياب
بیرُدوا روح ويسكّوا باب
ويبطلوا اللوم والعتاب
أوقات عياطهم بالسباب
وساعات عياطهم بالأدب
فيه ناس عیاطها فإنها بتقول: تمام
وفيه ناس عياطها فـ إنها تفتّح کلام
وفيه ناس كأسراب الحمام
تبكي وماتسبش الأثر
وفيه ناس تعيط بالرجوع للي اتكسر
فيه عياط حرير
وعياط حجر
وعياط شظايا من اللهب
أعرف بشر بيعيطوا بالاندماج
فجأة يحبوا يخرجوا ومايقعدوش معنفسهم
واعرف بشر بيعيطوا جوه السياج
مايشوف دموعهم إلا هما وضلهم
واعرف بشر بيعيطوا ف حجر ناس بتحبهم
إن شالله يبكوا قصاد قبورهم ع العتب
إياك تظن الخد ناشف نبقى عال
إحنا بنمحي دمعنا
زي البيوت ف الهجرة ما بتمحي العزال
جربنا نبكي قصاد بشر مش طيبين
أهدرنا دمع وفضفضة ضاعوا هباء زي السنين
فـ بقينا بالخبرة بنبكي بدون بكا
ودموعنا صبحوا بينزلوا متنشفين
أقدم عياط
هو الحياة وإنت بأتب
أبسط عياط
هو الرضا باللي اتكتب
يطلع كلام يطلع هدوء
يطلع زهق يطلع شغب
وأصعب عياط تبقي حزين
وتلاقي نفسك مبتسم
من غير سبب🖤
وخارج منها وانا عريان
وخارج منها شاكك
ومش شايل لحد امان
“محبتنيش”
برغم اني وكتاب الله مقصرتش
ويوم مقالتلي عايزه اعرف ماانكرتش
ويوم ماقالتلي زعلانه مبررتش
معاها كنت انا التاني وابديها
بنقص من حياتي حاجات وبديها
ولما تمدلي ايديها ،أمد ايديا مسحبهاش
محبتنيش وحبيتها
ودايره تقول “محبتهاش”🖤🍂