الام الشاطره هى التى تتعلم كيف تشغل ملابس
اطفالها بنفسها من كروشيه وتريكو وتشارك النساء
خبراتهم على المنتديات النسائيه لتعمم المعرفه
لمقاس سنتين 200 جرام ولمقاس 6 سنوات 360 جرام
قيسي على هذه الكمية المقاس اللي تبغيه مثلا اكثر من 6
سنوات زيدي بكرة 100 جرام وهكذا
سنارة : 3 mm
ازارير العدد اللي تفضليه
مقص
متر
ابرة تنظيف
أول شي تحتاجي تاخذي مقاس الصدر والكتف للطفل وبعدها شوفي
في جدول المقاسات المقاس اللي طلع لك كم يساوي فالجدول
وأبدأي بعدد السلاسل المكتوبه
المقاس من الأعلى لحديث الولادة – آخر مقاس لعمر 12 سنة
الجدول من اليسار لليمين
العمر
عدد سلاسل البداية
تقسيم السلاسل للخلف والاكتاف والأمام
محيط الصدر ( هو المقاس اللي تقيسيه حتى تعرفي أي عمر لازم تشتغلي )
بنتي عمرها 7 سنوات و4 أشهر ولما قست طلع مقاسها عمر 6 سنوات .
الكم
ابدأي بعدد السلاسل المكتوب واضيفي 6 سلاسل على العدد الأساسي .. ثم
ارتفعي 3 سلاسل واشتغلي 1 عمود في كل سلسلة حسب التقسيم المكتوب
في الجدول بعد نهاية أول تقسيم اشتغلي في السلسلة التاليه (1 عمود – 2
سلسلة – 1 عمود ) بعد نهاية كل تقسيم تشتغلي هذا التكرار
مثال : ( 7 سلاسل – ( 1 عمود – 2 سلسله – 1 عمود
) – 9 عواميد – ( 1 عمود
– 2 سلسله – 1 عمود )- 14 عمود – ( 1 عمود – 2
سلسله – 1 عمود ) – 9
عواميد – ( 1 عمود – 2 سلسله – 1 عمود ) – 7 عواميد
) كذا انتهيتي من السطر
الأول لفي الشغل واشتغلي 3 سلاسل ارتفاع ثم أكملي السطر الثاني بنفس
الطريقة ، كل دور راح تشتغلي كل العواميد اللي بالسطر السابق حتى توصلي
لفراغ السلسلتين وتشتغلي فيهم ( ١ عمود – ٢ سلسلة – ١ عمود ) .
بكذا
يكبر الشغل بكل سطر
حترتفعي حتى توصلي للطول المناسب للصدر , استعيني بالجدول أو ممكن
تقيسيه مباشرة على الطفل . قيسي بالمتر cm المكتوبه بالجدول
اضغطي على الصور للتكبير .
قيسي حسب خط الكتف الخط الأسود المايل لما توصلي للمقاس تأكدي يكون
المقاس مناسب لأن السطر اللي بعد كذا راح نقفل الصدر المربع ونكوّن فتحة الكم .
ارتفعي 3 سلاسل واشتغلي ١ عمود بلفة واحده حتى توصلي أول فراغ ( زاويه)
اشبكي الماركر من أول زاويه لثاني زاويه ثم اشتغلي فيهم عمود واحد , أكملي
باقي السطر ١ عمود بلفة في كل غرزة حتى تصلي إلى الزاويه الثالثه واشبكيها
مع الزاويه الرابعه واشتغلي فيهم عمود واحد .. كملي الجزء الاخير عواميد . بمعنى
راح تتجاوزي الغرز مابين الزاويتين وهذه فتحة الكم .
الان راح يكون الشغل مثني ( الامام الجهة المفتوحة ) – (الخلف المغلقة )
(جهة اليمين و اليسار الاكمام ) تكوّن الشكل الاساسي للجاكيت .
راح تشتغلي بنفس طريقة السطر السابق ١ غرزة عمود فوق كل غرزة الى النهاية
ترتفعي ٣ سلاسل وتلفي الشغل وتبدأي السطر اللي بعده لنهاية الجاكيت بدون
أي زيادة بنفس الطريقة
بعد ماتوصلي للطول المناسب حنشتغل نهاية الجاكيت ، الطول انتي تحدديه مافيه طول معين
( ارتفعي سلسلة واحدة وفوق اول غرزة اشتغلي حشو – فوق كل غرزة من الغرز
اشتغلي
غرزة حشو لنهاية السطر ) كرري بنفس الطريقة ٥ الى ٧ أسطر . ثم قصي
الخيط واغلقي بمنزلقة .
ننتقل للأكمام الأن .
طريقة حياكة الكم بنفس غرزة الجاكيت كامل عمود بلفة ولو كنتِ بتشتغلي بخيط لون واحد
ابدأي فورا اشبكي الخيط في الغرزة اسفل منطقة الابط ، ولكن لو استخدمتي خيط ملون
زيي راعي أن الكم يكون ماشي بنفس درجة اللون ، لاحظي مكان الكم انتهى الخيط
بالاصفر
والبكرة الجديدة اللي حأبدا فيها بدأت باللون الوردي فاضطريت افك الخيط حتى وصلت لنفس
الدرجات اللي بالكتف وقصيت الخيط وبدأت ، الخيط اللي قصيته لفيته بكره صغيره ( لاترميه
)
من تحت الابط في غرزة الزاوية اشبكي الخيط واشتغلي 3 سلاسل فوق غرزة العمود ثم
في كل غرزة من غرز الكتف اشتغلي ١ عمود بلفة حتى تكملي الدور اغلقي بمنزلقة
في
السلسلة الثالثه
بداية كل دور ترتفعي ٣ سلاسل وتكملي باقي الدور بغرزة العمود بلفة واحدة حتى توصلي
ل ٣ سلاسل البدايه وتعملي منزلقة في السلسله الثالثه . كرري
ارتفعي بالأدوار حتى تصلي للطول المناسب ، اول ماتوصلي للمعصم ارتفعي سلسلة
واحدة فقط وفي نفس الغرزة اشتغلي ١ حشو .. اشتغلي كامل الدور بغرز الحشو
( بنفس طريقة نهاية الجاكيت )
كرري الدور السابق ( غرزة الحشو ) يصبح دورين حشو
في الدور الثالث اشتغلي سلسلة ثم ( ٦ غرز حشو – تناقص – ٦ حشو
– تناقص .
كرري لنهاية الكم ) حتى تضيق الاسورة من النهاية
الدور الرابع ، ارتفعي سلسله ثم ١ حشو في كل غرزة ، حشو فقط حتى
توصلي
لاخر غرزة اغلقي بمنزلقه قصي الخيط واخفيه بين الغرز .
الان ظهرت معالم الجاكيت تبان باقي لنا التفاصيل البسيطة
ننتقل للرقبة راح أسوي بهذا الجاكيت كولة بسيطه وممكن انتي تشتغلي
بنفس الطريقة وترتفعي ادوار اكثر وتكون قبعة للجاكيت ( زي ماشتغلتها
بالجاكيت الازرق ) الطريقة واحدة تابعي معي
عند أول غرزة في الرقبة تشبكي الخيط وترتفعي ٣ سلاسل – في الغرزة
التاليه تشتغلي عمود بلفة واحدة ( راعي أن تبدأي من نفس اتجاه الجاكيت )
في كل غرزة من غرز الرقبة اشتغلي عمود واحد حتى اخر غرزة .
لفي الشغل ، ارتفعي ٣ سلاسل والغرزة التاليه عمود الى نهاية الدور .
اذا كنتِ تبغيها كولة قصيره اكتفي لهذا الحد قصي الخيط واغلقي بمنزلقة .
أما إذا حبيتي تعمليها قبعة كملي الارتفاع حتى يصبح عندك قطعة مستطيلة
طولها تقريبا نصف طول الجاكيت ثم اثنيها من المنتصف وخيطيها بنفس الخيط
بإبرة تنظيف أو بطريقة احترافيه ( خيطي الجزئين بغرزة منزلقه )
بالنسبة للأزارير وطريقتها حسب رغبتك ممكن تكتفي لهنا أو تركبي عراوي جلد
أو قماش أو تعملي فتحات اثناء الحياكة بحيث تتركي غرز في بداية الدور اللي
تبغي فيه الازرار أو تركبي ازارير صغيرة تدخل من بين الغرز
انتهى الباترون اخيراً اخذ مني أكثر من اسبوعين للكتابه
جاكيت اعجبني ولكن
باترون جاكت ذو الصدر المربع
جواكيت اعجبتني ولكن
