لكل عشاق الشعر والقصايد اليكم قصيدة الحب مثل النوم للشاعر محمد بن فطيس المري
الحب مثل النوم .. والوصل .. الاحلام
والشيين من الاحلام..صد المحبيين
نوم ٍ طويل ٍ عمره اشهوور واعواام
وان قمت.. ففهمها فرااق وسهر عين
وانا رقدت وعمري اربع عشر عام
وصحيت في شهر اربعه عام الالفين
نوم ٍ ثقيل ٍ كله احلام واوهاام
ونصيبي من احلامه الجانب الشين
صحّى الفرااق اقلوب في عكسه..نيام
وغاب الفرح وانا بعكسه الى اللحين
ياحزن كبدي حزن من ضاق ثم حام
اخذت فروخه مادرى ليه ولوين؟
بعد ما شاف العش عيدان وعظام
خاالي..تفكر فووق ويساار.. ويمين
خلا عشاها فيه ومن الوطى شاام
زبن على روحه وفل الجناحين
وياوجد حالي وجد من نام ثم قام
على صياح امه وهو دون رجلين
عويق وامه تنعته والنعت سام
وهو خابر انه يقسم الصف صفين
حبا وصاح بصيحة ٍ تاصل الشام
منها تقطّع في خفوقه شرايين
على وليف ٍ قسم اظنوني اقسام
واقفى وانا ما اعرف طرد المقفين
راح وترك في صدري ووسووم واعلام
وصى علي طيفه وقفى بقلبين
الحب مثل النوم
قصيدة الحب مثل النوم
